Melîke Aydin 

 

ÎZMÎR - Cinîyê Aştîye yê Foçayî ra Sultan Bozkurt dîyar kerd ke dewletê mêtînger ke şer vejenê, ewil cinî û tûtan şer de verdenê û vat, zehmet bo zî ganî cinî sewîyeya ke tedayê mîyanneteweyî awan bikero de, bieşkê xo bi rêxistin bikerê. 

 

Cinîyê Aştîye yê Foçayî Sultan Bozkurt dîyar kerd ke şer hetê dewletê mêtînger ra yeno vetiş û vernê de cinî û tûrî hawirê şerî de yenê verdayîş û zehmet bo zî ganî cinî sewîyeya ke mîyanneteweyî awan bikero de, bieşkê xo rêxistin bikerê. Sultane dîyar kerd ke seba nê cinî ganî hemverê vatişê şerî aştî rêxistin bikerê.

 

Cinî eşkenê rêxistinbîyayîşê mîyanneteweyî bi ca bîyarê

 

Sultane dîyar kerd ke seranserê tarîxî de Rojhelato Mîyanên û tewr peyîn zî Efxanîstan de serê nasnameyê etnîk û bawerîyan de şer yeno kerdiş û esas de bi stratejî parçe bikerê nê welatî yenê binpaykerdiş. Sultane dewam de wina vat: "Welatê ke teda kenê ewil cinî û tûtan mîyanê şerî de verdenê. Huqûqê unîversal yeno binpaykerdiş. Binpaykerdişê heqan verê çimanê heme dinya de yeno legalkerdiş. Cinî eşkenê  rêxistinbîyayîşêk awan bikerê. Cinî aştî dana ciwîyayîş. Ganî tu wext hemverê sîyasetê camêrdan ke yewîya şaran asteng keno, bawerîya cinîyan nêqedîyo."

 

Ganî bernameyê kulturî bêrê zêdekerdiş 

 

Sultane dewam de wina vat: "Herême de polîtîkayêk aştî nîno kerdiş û multecîyan sey hacetê bazarî ercnenê. Coka problemî û xeberê şaşî yê çapemenî de yenê weşênayîş û no zî nîjadperestî û cîyabîyayîşan pîl keno. Krîzê ekonomîyê welatî zî dişminîyê hemverê multecîyan zêde keno. Seba ke nê problemî bêrê çareserkerdiş ganî bernameyê kulturî bêrê zêdekerdiş."

 

'Ganî cinî hemverê vatişê şerî aştîye rêxistin bikerê'

 

Sultane dîyar kerd ke ganî cinî vera şerî vejîyê û vat: " Tirkîya de vera vatişê şerî ganî cinî bi vindertişê aştî, her ca de xo rêxistin bikerê. Cinîyan tarîxê dinya de xeylêk rey şer de bi helwestê xo paştdayîş dayê aştî û rêxistinbîyayîş û hemleyêk bîn aver berdê. Bi no hawa vengê xo dayê eşnawitiş. Ma Cinîyê Aştîye ya Foçayî zî çi destê ma ra bêro ma do bikerê. Bawerî û îdeolojîyê cîya cinî eşkenê bêrê têhet û hêzê xo pîl bikerê û bi rêxistinê cinîyan dir nê vatişan komelî de bidê eşnawitiş.”

 

Sultane tewr peyîn qiseykerdişê xo de vat, hemverê zîhniyetê ke rêxistinbîyayîş asteng kenê, hewl danê ke yewbîyayîşê cinî sewîyeya aştî de awan bikerê.