Sevîm Sutçu

 

ENQERE - Endama MYKyî ya ÎHD Nuray Çevîrmen bale ant serê rewşa tepişteyê nêweş yê giran û bi taybet cinîyê tepişteyê nêweşî yê Herêma Anatolya Mîyanên û vat: "Tepişteyê nêweşî yê giran seba tepişteyê sîyasî yê, qanûnê têduştî yeno binpaykerdiş. ATK sey sazgehêk sîyasî têgêreno."

 

Zîndanê Tirkîya de rewşa tepişteyê nêweşan her ke şino giran beno û goreyê raporê wezaretê dade û Mudurîyê Pêroyî yê Keyeyê Tevkîfî yê Ceza, 31ê temmuze 2021 de eşkera kerdo, zîndanan de 360 sazgehê înfazê cezayî de, 11 hezar û 271 tepişteyî, hezar û 600 ci tûtî bi pêroyî de 282 hezar û 716 hezar tepişteyî estê. Goreyê ÎHDyî zîndaanê Anatolya Mîyanên de 262 tepişteyê nêweşî estê, 41 ci ra cinî, bi pêroyî 85 kes nêweşê giranê.

 

Endama Heyetê Îdarekarîyê Merkezî (MYK) ya Komeleyê Heqê  Merdiman (ÎHD) Nuray Çevîrmen derheqê rewşa tepişteyê herêma Anatolya Mîyanên de qisey kerd.

 

'Zîndanan de 605 tepişteyê nêweşî estê'

 

Nuraye dîyar kerd ke zîndanan de binpaykerdişê heqan zaf zêde yeno ciwîyayîş û vat: "Ma hezîranê 2020 de rapor de eşkera kerd ke pêro zîndanan de 605 tepişteyê nêweşî estê. Bêguman xeylêk tepişteyê nêweşî estê. Tepişteyê nêweşî bi probleman dir rî bi rî ameyê verdayîş. Bêguman wexto ke ma vanê nêweşê giran, ma qalê nêweşîya ke ameya verê mergî nêkenê. No şermê merdimayî yo. Nê nêweşî ameyê sewîyeyêke nêeşkenê cuya xo dewam bikerê, yanî nêweşîya înan qelb, kezeb û kanserî esta."

 

'ATK sey sazgehêk sîyasî têgêreno'

 

Nuraye dewa de wina vat: "ATK seba hezar û 330 tepişteyî raporê sey, 'Eşkeno/a zîndan de bimano' amede kerdo. No şaş o. ATK sey sazgehêk sîyasî têgêreno. No yeno manaya binpaykerdişê heqî. Tepişteyo nêweş Alî Osman Kose, wexto ke sewqê ATKyî yeno kerdiş, yeno tespîtkerdiş ke gurçikê ey de kanser esto û pêwa onkolog û urolog seba hucreyê kanserî nêameyo tespîtkerdiş yan zî rapor nêameyo dayîş yan zî raporê eşkeno bimano danê. Tekîrdag de şino nêweşxan û cayê kanserî yeno tespîtkerdiş, gurçikê ci yeno girewtiş. Nika tepişte yo."

 

'Ganî bêrê tahlîyekerdiş'

 

Nuraye vat, 2020 de 4 tepişteyê nêweşî yê emrê înan serê 75ine dinyaya xo bedilnayî û wina vat: "Waştişê ma oyo ke bêtêduştî bêro wedaritiş. Ganî tepişteyê nêweşî yê giranî lezabez bêrê tehlîyekerdiş. No problem girîng o. Ganî heme partî, rêxistinê komelê sivîl û sazgeh û dezge serê na babete de vinderê û çareserî biwazê."