Melîke Aydin 

 

AYDIN - Cinîyan bale ant serê girîngîyê grevê vêşanîye ke tepişteyan hemverê tecrîdî dayê destpêkerdiş û dîyar kerdî ke yew problemê ke tecrîd tesîr keno problemê kurd û çareserîya ci yo la no ancax bi destpêkerdişê pêvînayîşê bi Rayberê PKKyî Abdullah Ocalanî mimkun o.

 

Bi amancê ke tecrîdê serê Rayberê PKKyî Abdullah Ocalanî bêro wedaritiş û îhlalkerdişê heqê tepişteyan bêro peynîkerdiş, tepişteyê PKK û PAJKî 27ê Teşrîna peyêne 2020 de dest bi grevê vêşanîye yê bêdem û bêdor kerdî. Çalakî bi koma 50ine roja 289 de dewam kena û derheqê çalakiyan de paştdayîş zî dewam keno. Yeno dîyarkerdiş ke tecrîd bi pêroyî serê komelî de giran bîyo, açeryayo teda û yew babetêk tewr zêde bi tesîr bena problemê kurdan a.

 

‘Ganî veng bidê vengê tepişteyan’

 

Vervatoxa Kongreya Komeleya Demokratîk (KCD) ya Denîzlî Ayşe Kaya dîyar kerd ke tecrîd yeno manaya astengkerdişê azadîya fikr û fehmî û bi amancê ke komelî bikerê bina teda yeno dewamkerdiş û vat: “Birayê mi seba parekerdişê medyaya dîjîtalî 5 serrî cezaya zîndanî girewt. Beno ke bi fîzîkî bêro tepiştiş la tu wext fikr û fehmê ey nêeşkeno bêro astengkerdiş. Pêro problemê Tirkîya girêdayê problemê kurdan o. Ganî ma bibê vengê embazanê xo yê zîndanî.”

 

‘Çareserî pêvînayîşê bi Abdullah Ocalanî dir o’

 

Hemsereka Partîya Demokratîke ya Şaran (HDP) Nazîllî Hangul Tunç zî fikrê xo ard ziwan û dîyar kerd, tepişteyî seba azadiya Abdullah Ocalanî kewtê grev û wina vat: “Seba çareserî ganî pêvînayîş bi Abdullah Ocalanî dir bêro kerdiş. Sebebê grevê vêşanîye zî no yo. Eke ma nêrê têhet, ma do yew bi yew bêrê çinkerdiş. Ganî ma tewr zêde wayîrê waştişanê înan bivejîyê. Seba nê zî vengê xo hîna berz bikerê.”

 

‘Verê zî kewtibî grev’

 

Merdima tepişteyî Hamîde Bayram zî wina vat: “Tepişteyê ke grev de yê serra vîyarte zî kewtibî grev. Yê verê tewrê grevan bîbî çimê înan xira bîyê. Nêweşî înan dir peyda bîya. Yê ke tepişteyî wazenê no yo; yê ke teberdeyê veng vejê. Ganî merdimî tewr zêde bi hîsgêr bê û vengê xo berz bikerê.”

 

‘Ganî ma seba aştî pîya bikewê rayîr’

 

Nezahat Turk ke merdima tepişte ya, mecbûr menda ke koçê bajarê Rojawanî bikero wina vat: “Nasnameyê ma nas nêkerdî. Embazê tepişteyî seba nasnameyê xo pawitê ameyê tepiştiş. Êdî bes o, wa merg çinbo ma aştî wazenê. Seba nê zî ma goş bidê waştişê înan. Ma Kurd, Tirk, Çerkez pîya seba aştî bikewê rayîr.”