Derya Ren 

 

MERSÎN - Derya û Engîn Arici ke serê berê înan de nuşteyê ‘Elewîyê Kurdan rê merg, bicehmê’ ame nuştiş, wina vatî: “Nasname û bawerîya ma hedef yena girewtiş. Ma nimûneyê tewr somut ê hêrişê nîjadperestî tarixêk nêzdî de Konya de dî.”

 

Taxa Menteşî ya qezaya Yenîşehîrî ya Mersînî, ser berê Derya û Engîn Arici de 11ê êlule de nuşteyêk nîjadperestî ya sey ‘Elewiyê Kurdî, merg, bicihemê’ ame nuştiş. Keyeyo ke nuşteyê serê berî de dî xebere da polîsan û gerre kerdî. qeydê kamera hetê polîsan ra ame komkerdiş.

 

Derya û Engîn dimayê serebûtî ajansê ma rê qisey kerdî û bale antî serê hêrişê nîjadperest yê sîstematîk bîyê û hukmat nê çî nêvîneno.

 

‘Nasname û bawerîya ma hedef yena girewtiş’

 

Derya dîyar kerd ke rojêke verê saetê nîmeroj de serê berê înan de ameyo nuştiş û vat: “Serebûtê wina bê ceza ameyî verdayîş. Di tutê mi estê. Ez seba înan kewena endîşe. Ma şinê teber, market. Uca de çîyêk bêro sereyê ma, ma do vajê gelo seba nê bi. Ma kam ci se serre de yê. Ziwan û nasnameyê her kesî esto. Ma nê serebûtî ra vajê provakatîf o? Ma nêzanê. Kesî dir tu problemê ma çin o. Bi eşkera yeno vînayîş, nasname û bawerîya ma hedef yena girewtiş. Ma hêrişê nîjadperestî televîzyonan de dîne. La ma nika nê çî bi xo ciwîyenê.  Zaf bi xof o.”

 

‘Ma Konya de dî’

 

Derya dîyar kerd ke welat de şîdet serdest o û wina qedêna: “Welat de kiştişê cinîyan, hêrişê nîjadperestî zaf bîyê zêde. Coka ma tersenê. Ma nimûneyê tewr pîl hêrişê nîjadperestî Konya de dî.”

 

Engînî zî nîşankerdişê berî sey faşîzm erjna û vat: “Ol û baweriyê cîya kesî eleqeder nêkeno. Vera cuyêka aştî, têduşt, ma nê serebûtê ke yenê ciwîyayîş şermezar kenê. Ganî dewlete na babete ser o eleqeder bibîne. Ma nê serebûtan Kerbela, Mereş, Çorum û Madimakî ra baş zanê. Nê tena roja ma ya ewro de nînê ciwîyayîş. Ma qirkerdişêk ke demêk nêzdî de Konya de ameyo kerdiş zanê. Vatişê nîjadperestî berhemê polîkayê yenê kerdiş de yê. Seba nê serebûtî nêrê ciwîyayîş, ganî ceza bêrê dayîş. Ma vizêrî nuşteyê serê berî ferq kerd. Di rojî yo ma zaf endîşeyîn ê.”

 

Engînî dîyar kerd ke ê do fek serebûtî ra vera nêdê û destur nêdê provakatoran û vat, nuştiş bi zanebîyayîş ameyo nuştiş û dawetê qirkerdişî yo.