AMED - Licê de xebatkarê DEDAŞî waştî ke saetê ceryanî vejê serê dîrekan û no zî bi sebebê serebûtî. Polîsan nê ser de gazê îsotî û awa tezyîqin eşt serê welatijan. Polîsan bi vatişê,"Ma nêverdê şima tîya bisetiryê.” Tehdîd kerdî.

 

Grûbêke Şîrketê Vilakerdişê Ceryanî yê Dîcleyî (DEDAŞ) qezaya Licê bi bahaneyê vernîgirewtişê xebitnayîşê ceryanê qaçaxî waşt saetê ceryanî vejê serê dîrekan. No zî bi sebebê serebûtê mabêne welatijî û grûba DEDAŞî. Hewteyêk verê zî şarê taxa Yenîşehîrê Licê hemverê vetişê saetê ceryanî vejyabî û DEDAŞ mecbûr mendibi xebata xo bido vindarnayîş. La ewro gruba DEDAŞî û polîsî pîya şî taxe.

 

Şarê taxe reyna hemverê DEDAŞî vejîya û reaksîyon vera gruba DEDAŞî û polîsan dayî. 

 

Serê nêrazîbîyayîşê şarî de DEDAŞ mecbûr mend ke reya hêrîne xebata xo vindarno û taxe ra vejîyayî. Polîsî hema zî taxe de vindenê. 

 

11ê êlule de zî eynî çî vejîyabi û polîsan 8 kes destbend kerdibi û dimayê îfadeyê înan girewtibi, serbest veradabî. 

 

Polîsan hêrişê welatijê ke reaksîyon ramojnayî kerd û gazê îsotî û awa tezyîqî welatijan kerd. Polîsan bi vatişê, “Ma nêverdenê şima bisetrîyê." Tehdîd kerd.

 

Serebûtî qeza de dewam keno.