Melîke Aydin

 

ÎZMÎR - Verfeka Meclîsê Cinîyan ya Îzmîrî ya Partîya Çep a Keske Meryem Gulbudake da zanayîş ke Tîfaqê Cumhurî ke destkewtişê cinîyan hedef gêno, mutabiq o ke qanûnê 6284î wedarno û Tîfaqê Mîlletî zî metnê xo de ca nêdayo Peymana Stenbolî. Meryeme veng daye heme cinîyan ke raya xo bidê Partîya Çep a Keske.

 

Qanûnê 6284î ke netîceyê têkoşînê cinîyan de ame destfînayîş, cinî û tutan binê tehlukeyê şîdetî de paweno. La Tîfaqê Cumhurî ke AKP-MHPyî ra awan beno weçînitişî ra ver bi Partîya Yenîden Refah û Huda Parî reyde pê kerd û serê wedaritişê qanûnê 6284î de pê kerdî.

 

Verfeka Meclîsê Cinîyan ya Îzmîrî ya Partîya Çep a Keske Meryem Gulbudake qisey kerd û dîyar kerd ke îqtîdar wazeno keyeyêk kanperest ke xeyalê ci keno, dekero cuye mîyan.

 

Meryeme da zanayîş ke îqtîdar îdîa keno ke qanûn keye xeripneno la ekse ci qanûn keyeyêk bi asayî zî aver beno û wina vat: “Keyeyo ke şîdet tede bibo de asayîş çin o. Goreyê înan şîdet, nêdayîşê pere sey hewî yo. Bi nê zîhnîyetê xo keye xeripnenê. Tutî zî keyeyanê xiraban de pîlî benê.” 

 

‘Cinî û camêrdan seyyewbînan nêvînenê’

 

Meryeme dîyar kerd ke zîhnîyetê keyeyî yê îqtîdarî pîyê otoriter yê serdestîya camêrdî yê keyeyî yo. Cinî huner, cuya komelkî û zanistî ra dûrî yena fînayîş. Meryeme wina dewam kerd: “Cinî û camêrd seyyewbînan nînê dîyîş. Tîfaqê Cumhurî de lîdertîya cinîye çinî ya. Tîfaqê Mîlletî de yew esta. Zîhnîyeto serdest ê sîyasetî de keyeyî de zî wina yo. Cinîyî wazenê ke bloqê îqtîdarî heqanê cinîyana asteng keno, no bi Yenîden Refah û HUDA Parî do hîna giran bibo. Do cinîyî bibî noktaya koletîye. Hemverê îslamo radîkal ê îqtîdarî de rayîro hîrêne yê ma esto. Bi Partîya Çep a Keske hêvîya rayîro hîrine esto.” 

 

'Îfadeyê cinîye esas o’

 

Meryeme qiseykerdişê xo yê peyênan de bale ant têgêrayîşê azadîye ya ke cinîye ser û vat ke têgêrayîşê azadîye ya ke tede cinîye çinîya nêeşkeno ser bikewo û wina vat: “Îqtîdaro camêrd ke şîdet bi cinîyan keno bi cinîyan eşkeno bêro bedilnayîş. Ma sey Partîya Çep a Keske hedef kenê ke sere de Peymana Stenbolî tepîya bigêrî. Ma do qanûnê 6284î pê bîyarê û vajê ke îfadeyê cinîye esas o. No taya hetan aciz keno. La ma do destur nêdî ke no qanûn bêro wedaritiş. Nika hedefê partîya îqtîdarî de dor ameyo qanûnê nefeqe û Qanûnê Medenî ser. Cinî wazena azad û seyyewbînan biciwîya. Îdeolojîyê serdest ê Tîfaqê Cumhurî esto. Metne mutabakatê Tîfaqê Mîlletî de Peymana Stenbolî çin a. Ma Partîya Çep a Keske ra wazenê ke cuyêka newe ya ke tede binpaykerdiş, şîdet çin o û seyyewbînanîye tede esta awan bikerê.”