Yeşîm Oruç 

 

MERKEZÊ XEBERAN - Bi wesîleya 25ê Teşrîna Peyêne goreyê çeteleyê şîdetî yê ajansê ma, 10 aşmî de 316 cinî ameyî qetilkerdiş, 170 cinî zî bi şik dinyaya xo bedelnayî.

 

Şîdetê cinîyan ser o bajaranê Kurdistan û Tirkîya de bêmabên dewam keno. Vatişê AKP-MHPyî, qanûnê ke heqê cinîyan gênê dest, feshkerdişê Peymana Stenbolî û hedefgirewtişê qanûnê 6284ine yo. Wexto ke nê pêro vejîyenê vernî, polîtîkaya bêcezaverdayîşî yê hukmî, şikdaran xelat keno. Nê prosesî de cinî bi hawayêkê sîstematîk hedef yenê girewtiş.

 

Her roje tewr tay di cinî yenê qetilkerdiş. No tena hetê ke çapemenî de yeno vînayîş o. Bi wesîleya 25ê Teşrîna Peyêne Roja Têkoşînê Hemverê Şîdetê Cinîyan ê Mîyanneteweyî, goreyê çeteleyê ke ajansê ma arêdayo, 10 aşmê serre de 316 cinî ameyê qetilkerdiş û 170 zî bi şik dinyaya xo bedelnayê.

 

Şikdar, tewr nêzdî yo

 

98 cinî hetê camêrdê ke înan dir zewicnayeyê, 28 cinî hetê camêrdê ke caverdayê, 33 cinî sewîyeya destveradayîşî de ameyê qetilkerdiş. 11 cinî hetê babî, 18 hebî lajê xo, 6 hebî hetê camêrdê ke înan dir ciwîyenê, 28 cinî hetê camêrdê ke nas kenê, 25 cinî hetê camêrdê ke înan dir têkilî de bîyê, 19 cinî hetê merdimanê xo ra, 12 cinî hetê camêrdê ke nasnameyê înan nîno zanayîş, 10 cinî hetê camêrdê ke fek vera dayê, 2 cinî hetê camêrdê ke nas nêkenê ra ameyê qetilkerdiş. Şikdarê hîrê cinîyan zî nêzdîbîyayîşê înan yê cinîyan dir nêame tespîtkerdiş.