MERKEZÊ XEBERAN - Rojnameyê hewtane yê bi kurdkî Xwebûn no hewte bi manşetê “Do bibo vengê mezlûman" resa verê destê wendoxanê xo.

 

Hûmara 174ine ê Rojnameyê Xwebûnî ke hewtane weşan keno, no hewte bi manşetê “Do bibo vengê mezlûman” vejîya. Manşet bi roportajê ke bi namzedê Partîya Çep a Keske yê Rihayî Ferît Şenyaşar reyde ameyo kerdiş, ameyo amadekerdiş. 

 

Rîpelê 2yîne de nuşteyê Xecê Rêdûr ê bi sernameyê "Zarok kî ne ?" serê heqê tutan, Încî Egîd zî serê nameyê "Malan bar kir koç bi rê ket" serê koçberî de nuşt. Rîpelê 3ine de zî nuşteyê Nalîn Aslana serê nameyê "Astengiya li ber bihara azadiyê" serê zîndanî de nuştibi, rîpel de ca girewt. 

 

Sewbîna rîpelê cinî de zî serê xebatê cinîyan ê weçînayîşî analîzêk ameyo amadekerdiş. 

 

Rîpelê rojnameyî yê kulturî de zî derheqê deyîra rapî “Em Hatim” ya Partiya Çep a Keske de bi rapvaj Reqso reyde xeberêke ameya viraştiş. Nuştoxê rojnameyî zî no hewte bi nuşteyê xo bale ant serê weçînayîşî. Sewbîna rîpelê kirmanckî yê Xwebûnî de zî serê tarîxê partîyanê kurdan analîzek ameyo amadekerdiş. Eynî rîpelî de zî nuşteyê Gulçîn Adare bi sernameyê "Wisarê şaran nizd o" ca girewto.