Delîl çin o la suc esto!
- 12:36 21 Nîsane 2023
- NAROJANE
AMED - Çarçewaya cipersayîşî amebi destpêkerdiş de 15 kesan ra yew zî amebî destbendkerdiş û îdianame derheqê aye de amebi amadekerdiş Remzîye Temel a. Dozgerî seba Remzîye Temele qerarê "Delîl nêameyo la reyna zî îştiraqê sûcan o" da.
Çarçewaya cipersayîşê Serdozgerîya Komare ya Amedî dabî destpêkerdiş de 8ê Hezîrane de 18 rojnamegerî ameyî destbendkerdiş û 16ê Hezîrane de 15 ci ra ameyî tepiştiş. Îdianameyê derheqê rojnamegeran de rojê vîyarte de ame temamkerdiş û şirawitî 4ine Dadgeha Ceza Giran a Amedî. Dimayê dadgehe îdianame temam kerd, tarîxê yewin roniştişê 11ê Temmuze ame dîyarkerdiş. Çarçewaya dosya de yew rojnamegera ke yenê muhakemekerdiş Remzîye Temel a.
Pêvînayîşê derheqê bernameyî de suc ameyî hesibnayîş
Remzîye Temel Ari Yapim de karê muhasebeyî kerdêne û sey embazanê aye bînî, derheqê aye de zî pêvînayîşê telefonî yê seba bernameyan sûc ameyî hesibnayîş. Xêrcê pêvînayîşê telefonî yê derheqê bernameyan de tu delîlî nêameyî vînayîş. La pêwa nê dozgerî tespîtê sey îştîraqî sûc kerda endamîya rêxistine derheqê Rezmîye de ceza waşt.
Se bibi?
Çarçewaya cipersayîşê Serdozgerîya Komare ya Amedî dabî destpêkerdiş de 8ê Hezîrane de 20 ci ra rojnamegerî 22 kesî amebî destbendkerdiş. 16ê Hezîrane de Mudurê Karê Nuşteyî yê JINNEWSî Safîye Alagaş, Hemserekê Komeleya Rojnamegeran ê Dîcle Firatî (DFG) Serdar Altan, Edîtorê Ajansê Mezopotamyayî (MA) Aziz Oruç, Mudurê Karê Nuşteyî yê Rojnameyê Xwebûnî Mehmet Ali Ertaş û rojnameger Zeynel Abidin Bulut, Omer Çelik, Mazlum Dogan Guler, Îbrahîm Koyuncu, Neşe Toprak, Elîf Ungur, Abdurrahman Oncu, Suat Doguhan, Remzîye Temel, Ramazan Geciken, Lezgin Akdenîz û Mehmet Şahîn, bi îdiayê "endamîya rêxistine" amebî tepiştiş.
Do roniştiş 11ê Temmuze de bêro vînayîş
Bi 10 aşmî yo wareyê cipersayîşê derheqê rojnamegeran de tu averşîyayîş nêvirazîyabî. Rojê vîyarte de îddianameyê derheqê rojnamegeran de yê hetê Serdozgerîya Komare ya Amedî ra ame amadekerdiş 4ine Dadgeha Cezaya Giran ra ame qebûlkerdiş. Do roniştişê 15 ci ra tepişte 18 rojnamegeran 11ê temmuze de bêro vînayîş.
