MERKEZÊ XEBERAN - Sereştişê keyeyan ke merkezê ci Amed bî ame kerdiş de 10 rojnamegerî ameyî destbendkerdiş.

 

Çend rojî weçînayîşê serekkomarî û pêroyî rê esto, bajarê sey Amed Mêrdîn, Sêrt, Çewlîg, Wan, Şirnex, Êlih, Dîlok, Riha, Bursa, Îstanbul, Îzmîr, Mersîn, Mûş, Bedlîs, Colemêrg, Osmaniye, Sêwas, Meletî, Semsûr û Anqara de polîsan eşt xeylêk adresan ser. Sereştişan de muxabîra JINNEWSî Bêrîtane Canozer,  edîtorê Ajansê Mezopotamya (MA) Abdurrahman Gok, muxabîrê MA Ahmet Kanbal û Mehmet Şah Oruç, Mudirê Karê Nuşteyan ê Yeni Yaşamî Osman Akin, Wayîrê Îmtîyazî yê Xwebûnî Kadrî Esen, rojnamegerî Mehmet Yalçin, Mîkaîl Barut, Salîh Keleş û Remzî Akkaya ameyî destbendkerdene.