MERKEZÊ XEBERAN - Endamanê Parlamentoyê Ewropa (PE) venga Rêxistina Qedexekerdişê Çekanê Kîmyewîyan (OPCW) da ke agahîyanê serê hêrişanê kîmyewîyan ê dewleta tirke cade cibigêra.

 

Endamanê Parlamentoyê Ewropa (PE) bi mektubêke venga Rêxistina Qedexekerdişê Çekanê Kîmyewîyan (OPCW) da ke agahîyanê serê hêrişanê kîmyewîyan ê dewleta tirke cade cibigêra. Endamanê PE mektube de dîmenê hêrişanê dewleta tirke, cigêrayîşê rojnamegeranê Başûrî, cigêrayîşê IPPNWyî û îtîrafê selahîyetdaranê dewleta tirke zî pêşkêş kerdî.

 

Mektube de ame vatene ke ê îdîayanê serê hêrişanê kîmyewîyan ra qerqilîyenê û ganî Tirkîyaya ke Peymana vera Çekanê Kîmyewîyan îmza kerda, goreyê mesuldarîya xo têbigêra. Mektube de ame vîrvistene ke seba ke îdîayî ardê ziwan Sereka Yewîya Tabîbanê Tirkan (TTB) Şebneme Korur Fîncanci amebî tepiştene. Mektube de dîyeno zanayene ke dewleta tirke dezgehanê ke wazenê herême de hêrişanê kîmyewîyan ser o cigêrayîş bikera, asteng kena. 

 

Mektube bi nê rengî ya 

 

“Ganî şima (OPCW) cade derheqê îdîayan de cigêrayîş bikerê. Eke Tirkîya çekê kîmyewîyî şuxilnayê wa cade bêra muhakemekerdene. Ma sey temsîlkaranê Ewropa xo rê sey wezîfe vînenê ke seba cigêrayîşê nê îdîayan destê ma ra çi bêro bikerê.

 

Artêşa tirke bi xo qebûl kena ke şerê hemverê Partîya Karkerê Kurdistanî (PKK) de bi taybetî Vakurê Iraqî de gazê ke çiman veşneno şuxulnena, no gaz bi peymane ameyo qedexekerdiş. Rojnamegerê ke dimayê hêrişê kîmyewî yê bombardûmanê tirkî bi sivîlan reyde qisey kerdî ke îdîa kerdêne semptom bi înan reyde virazîyayo, raporê bi qesawet weşan kerdî. Dîmenê wina estê ke nîşan danê, leşkerê tirkî xortûman kenê mîyanê tunelê ke şerwanê PKKyî ci de bî. Sewbîna dîmenî estê ke nîşan danê 2 gerîlayê kurdî dejê mergî ancenê.

 

Dayeyê ke ma cor de ardî vîr, seba ma xeylêk naskerde yê, coka zî ganî şima bizanê ke lazimî bi cipersayîşêk xoser esto. Bêşik ma nêeşkenê netîceyê cipersayîşêk bi nê rengî texmîn bikerê, labelê eke nîşan bido ke Tirkîya bi rastî zî çekê kîmyewî şuxulnaya, o wext do bibo gama destpêkî yê muhîm ê seba xelisnayîşê çekê kîmyewî.

 

Ma seke temsîlkarê Ewropayî yê weçînayeyî seba xo sey wezîfe vînenê ke rewşa tehluke ramojnê û seba cigêrayîşê rastî yê serê babete de zî çi destê ma ra bêro ma do bikerê.”

 

Nê parlamenteranê PE morê xo da binê mektube:

 

ALFONSI Francois (Greens/EFA) ; SCHIEDER Andreas (S&D) ; VILLUMSEN Nikolaj (THE LEFT)

 

ARENA Maria (S&D) ;

 

AUKEN Margrete (Greens/EFA) ; BITEAU Benoit (Greens/EFA) ;

 

BJÖRK Malin (THE LEFT) ; BOURGEOIS Geert (ECR) ;

 

CAREME Damien (Greens/EFA) ; CASTALDO Fabio Massimo (NI) ; CHAIBI Leila (THE LEFT) ;

 

COMIN I OLIVERES Antoni (NI) ; CORMAND David (Greens/EFA) ; CORRAO Ignazio (Greens/EFA) ; D'AMATO Rosa (Greens/EFA) ; DELBOS- CORFIELD Gwendoline (Greens/EFA) ;

 

DELLI Karima (Greens/EFA) ;

 

DEMIREL Oezlem (THE LEFT) ; FRAGKOS Emmanouil (ECR) ; GREGOROVÁ Markéta (Greens/EFA) ; GRUFFAT Claude (Greens/EFA) ; GUSMÃO José (THE LEFT) ;

 

HEIDE Hannes (S&D) ;

 

JADOT Yannick (Greens/EFA);

 

KANKO Assita (ECR) ;

 

LARROUTUROU Pierre (S&D) ; MACMANUS Chris (THE LEFT) ; MATIAS Marisa (THE LEFT) ; MELCHIOR Karen (Renew) ;

 

MIRANDA Ana (Greens/EFA) ; PAPADAKIS Demetris (S&D) ;

 

PEDICINI Piernicola (Greens/EFA) ;

 

PETER-HANSEN Kira Marie (Greens/EFA);

 

PISAPIA Giuliano (S&D) ;

 

PONSATI Clara (NI) ;

 

PUIGDEMONT Carles (NI) ;

 

RIBA I GINER Diana (Greens/EFA) ; RIVASI Michèle (Greens/EFA) ; RODRÍGUEZ PALOP Eugenia (THE LEFT) ;

 

ROOSE Caroline (Greens/EFA) ; SANTOS Isabel (S&D);

 

SATOURI Mounir (Greens/EFA) ;

 

SIDL Guenther (S&D) ;

 

SINČIĆ Ivan Vilibor (NI) ;

 

SMERIGLIO Massimiliano (S&D) ;

 

SOLE Jordi (Greens/EFA) ;

 

TOUSSAINT Marie (Greens/EFA) ; URBAN CRESPO Miguel (THE LEFT) ; VILLANUEVA RUIZ Idoia (THE LEFT) ; ŽDANOKA Tatjana (NI)