RIHA - Çalakîya "Nobeta Edaletî" ya keyeyê Şenyaşarî hewteyê 777ine de dewam kena û çalakîya ewro de no mesaj ame parekerdiş: “Heta ke seba ma heme mexdûrê serê na herre de ciwîyenê edalet pê bêro ma do ‘Nobeta xo ya Edaletî’ dewam bikerê.”

 

Çalakîya Nobeta Edaletî ya keyeyê Şenyaşarî 9ê Adara 2021ine de verê Edliyeyê Rihayî dayo dest pêkerdiş roja 777ine de dewam kena. Dayîka Emîn Şenyaşar û lajê aye Ferît Şenyaşar ke keyeyê xo yê qezaya Pirsûsî vejîyayî û ameyî verê berê edlîyeyî verê pankartê serê “seba keyeyê Şenyaşarî edalet” nuştêne çalakîya nobete dayî destpêkerdiş. Dayîka Emîne Şenyaşare seba pêvînayîşê lajê xo Fadil Şenyaşar ke Zîndanê Xarpêtî yeno tepiştiş şî Xarpêt. Ferît Şenyaşar zî do tewrê mitîngê ke Partîya Çep a Keske saete 14.00ine de qezaya Halîliye ya Rihayî de organîze bikero.

 

Keyeyî serê hesabê xo yê medyaya dîjîtale hesabê Wezîrê Edaletî Bekîr Bozdag etiket kerd û no mesaj pare kerd: “777ine roja cigêrayîşê ma yê edaletî ke Qesrê Edaletî werte ra ameyo wedaritiş. Dayîka Emîne seba ke lajê xo yê ‘esîr’ yeno girewtiş, ko bikero rayîrê Zîndanê Xarpêtî de ya… Heta ke seba pêro mexdûrê serê na herre de ciwîyena edalet pê bêro ma do ‘Nobeta xo ya Edaletî’ dewam bikerê.”