MERKEZÊ XEBERAN - Fînala Festîvala 2yîn ê Kulturê Kurdî yê Parîsî Salle Gaveau bi deyîranê Rûşen Yilmaz, Bajar û Mehmet Atli pê ame.

 

Parîs de bi hemkarîya Konseyê Demokratîke yê Kurdan ê Fransayî (CDK-F), Enstîtuya Fehm û Cigêrayîşî yê serê Kurdistanî (IREK), Komeleya Kultur û Hunerî ya Kurdistanî (ACK) û Weqfê Danielle Mitterrand a Parîs û paştdayîşê 10ine Şaredarîyê Parîs, Bobigny û Sarcelles fînalê Festîvala Kulturê Kurdan ê Parîsî organîze kerd. 

 

Kurdistanîyê ke Parîs de ciwîyenê û yê ke serê kurdî meraq kenê, hewteyê peyîn de bi konser, pêşangeh, tîyatro û çalakîyê cîya yê kulturî ameyî têhet. Konserê fînalî yê festîvalî ke diyarîya Evîn Goyî, Mîr Perwer û Abdurrahman Kizilî yê Parîs de ameyî qetilkerdiş ame kerdiş,  bi deyîranê Rûken Yilmaz dest pêkerd.

 

Roja peyîn ya Festîvala Kulturê Kurdî ya Parîsî de hunermendê kurdî yê naskerde û namdarî yê adetî cîya yê muzîkî ameyî têhet. 

 

Koma Bajar bi deyîranê weşan adetê muzîkê Rojhelatê Mîyanenî, muzîkê gelêrî û muzîkê rockî pêşkêş kerd.

 

Fînalê konserî de Mehmet Atli vejîya serê sahne. Hunermendê ke serranê 1990an de bi koma “Koma Vengê Dengê Azadî” dest bi karê muzîkî kerdî, berardişê hostayê adetê muzîkê Kurdî pêşkêş kerdî.

 

Xebatkarê festîvale ke heta ereyê şewe dewam kerd, wexto ke vejîyayî serê sahne reyna Evîn Goyî, Mîr Perwer û Abdurrahman Kizilî vîr ardî û vatî “Herinka ke ma yenê qetilkerdiş, ma zêde benê”.