MERKEZÊ XEBERAN - Cenazeya Mîne Sevjîn Alçîçek û Alî Orek yê ke çalakîya hemverê TUSAŞî de dinyaya xo bedelnabî, 24 rojî yo teslîmê keyeyê înan nêameyî kerdiş. Ame zanayîş ke dozgerî keyeyan ra vato: “Ez cayê înan nêzana.” 

 

Cenazeya endamê HPGy Mîne Sevjîn Alçîçek (Asya Alî) û Alî Orek (Rojger Hêlîn) yê ke çalakîya 23yê teşrîna verêne yê hemverê Meslegê Hewawanî û Fezayî yê Tirkan (TUSAŞ) de dinyaya xo bedelnabî, pêwa 24 rojî ser ra derbaz bîyo zî teslîmê keyeyê înan nêameyî kerdiş. Keyeyê Alçîçek û Orek semedê girewtişê cenazeyan, bajaranê xo de nimûneyê gonî dayî. Badê zî keyeyî şîyî Anqara û semedê girewtişê cenazeyanê tutanê xo, dozgerî dir pêvînayîş kerdî. Ame zanayîş ke dozgerî keyeyan ra vato ke o nêzano  cenaze ça de yê û semedê karûbarê otopsî, beno ke berdê Stenbol.