MEREŞ - Hîkmet Demîr ke badê erdlerzî konteynir de masegirî kena, dîyar kena ke ganî cinî kargehê xo abikerê û vat, ancax bi yewîye û paştîdayîşî eşkenê ser bi kewê.

 

Cinî wareyê cuye de hemverê teda û hêrişî vengê xo berz kenê. Cinî, xeylêk wareyê karî ke sey karê camêrdan yenê vînayîş, xo mojnenê û xo rê wareyê cuye akenê û debara xo kenê.

 

6ê Sibata 2023ine de merkezê ey Mereş bî erdlerzêk virazîya. Hîkmet Demîr vernîya erdlerzê Pazarcixî de masegirî kerdêne û badê erdlerzî  kargehê aye, keyeyê aye xira bî.  Hîkmete ke îqtîdarî keye û kargehê aye teslîm nêkerd, konteynir de dest bi masegirî kerd û linganê xo ser de vinderte.

 

Konteynir de têkoşînê cuye

 

Hîkmet Demîr da zanayîş ke 15 serrî yo masegirî kena û vat: “Bêşik kesê ke ma qebûl nêkerdi zî est bî. La pêwa nê yê ke paştîdayîşê zêde dabî zî est bî. Vernîya erdlerzî min û mêrdeyê xo restorant dayîne şuxilnayîş. Meslega mi kuaforî bî. La mi restorant akerd. Ma masegirî kerd. A roje ra şuxilêna. Erdlerzî de kargehê ma xira bî. Badê erdlerzî şîya teberê welatî verê kênaya xo. Demêk uca de menda û peyser agêraya. Mi konteyniran de no kargeh akerd.”

 

Paştîdayîş 

 

Hîkmet Demîr tewr peyîn wina vat: “Ez bi tena sereyê xo bîya. Lingan ser o vinderta. Mi semedê nanê xo têkoşîn kerd. Vernîya erdlerzî zî paştîdayîşêk cinîyan est bî. Wa cinî kargehanê xo abikerê. Wa camêrdan ra hêvî nêpawê. Wa paştîdayîşî de bê û yewîye têbigêrê.”