AMED - TUAY-DERî neql kerd ke semedê tepişteyan rê pere bişirawê do kampanya bidê destpêkerdiş.

 

Bi serkêşîya Komeleya Hetkarîya bi Keyeyê Tepişteyan yê (TUAY-DER) Amedî, do bi sloganê "Dayîşê pereyan sûc nîyo" tepişteyan rê bişirawê. TUAY-DERî eşkerayîya xo de vat, "Hemverê astengî ke şert û mercê tepişteyan zehmet keno, ma pêgirewtişê xo xurt kenê. Semedo ke ma paştdayîş bidê tepişteyan û nîşan bidê ke ê tena nîyê, ma verê buroyê PTTyî kom bê. Ma venga pêro sazgehê demokratîke û şarê ma yê hêsgîr kenê ke tewrê çalakîya ma bibê, ma pîya tewr bihêz bi, pêgirewtiş ma dano ciwîyayîş."

 

Eşkerayîye de ame dîyarkerdiş ke badê eşkerayîye siba saete 11.00ine de merdimanê tepişteyan dir verê PTT yê Ofîse ya qezaya Yenîşehîrî ya Amedî de do hesabê serê tepişteyan bêro dayîş.