STENBOL - Verfeka HDKyî Meral Daniş Beştaş, Kombîyayîşê Pêroyî yê Cinîyan ê 1ine ê Serdayîşê 13ine de qisey kerd û vat: "Ma zanê ke têkoşînê azadîya Jin jiyan azadî" do peynîya tecrîd, îşkence, şer, feqîrî û dardekerdişî bîyaro."

 

Meclîsê Cinîyan ê Kongreya Demokratîke ya Şaran (HDK) Kombîyayîşê Pêroyî yê Cinîyan ê Serdemê 1ine ê 13ine awanîyê Merkezê HDKyî yê Beyoglûyî de pê ard. Parlementera Partîya Têduştî û Demokrasî (DEM Partî) ya Stenbolî Ozgul Sakî û Verfeka HDKyî ya Meral Daniş Beştaş, xeylêk cinî beşdarê kombîyayîşî bîyî. Salona ke kombîyayîş ci de organîze bî, pankartê "Şima bixêr ameyî Serdemê 13ine ê 1ine Kombîyayîşê Meclîsê Pêroyî yê Cinîyan ê Kongreyê Demokratîke ya Şaran" ame daliqnayîş. Kombîyayîş de semedê kesê têkoşînê azadîya cinî de dinyaya xo bedelnayî, deqeyêk rêze ameye girewtiş. Meral Daniş Beştaş qiseykerdişê akerdişî yê kombîyayîşî kerd.

 

Meral Daniş Beştaş ke bi silamkerdişê cinîyan beşdarê kombîyayîşî bîyî, dest bi qiseykerdişî kerd.  Meral Daniş Beştaş wina vat: "Îqtîdarê AKPyî bi sîyasetê qeyûmî destkewtişê cinîyan hedef gêno û no hêrişêk raste rast nasnameyê cinîyan ser o. Ez pêro hemrayanê cinî ke têkoşîn pîya pîl kenê, silam kenê. Do rayîro sereyîn ê HDKyî o bi ke semedê têkoşînê cinî bi paştdayîş bêro pîlkerdiş, çîyo ke yeno waştiş bikero. Do têkoşînê "Jin Jiyan Azadî" peynîya dişminîyê hemverê cinî û tecrîdî bîyaro."

 

Kombîyayîş, çapemenî rê padaye dewam kerd.