MERKEZÊ XEBERAN - Ame dîyarkerdiş ke Endama KJARî Werîşe Mûradî, semedê îşkenceyê vînaya problemê cidî yê weşîye ciwîyena, badê cezaya dardekerdişî ya ci rê ameye birnayîş, bi vatişê “Vejîyayîşê aye yê zindanî qedexe yo” sewqê nêweşxaneyî nînakerdiş.

 

Endema Komeleya Cinîyanê Azadan ê Rojhelatê Kurdistanî (KJAR) tepişteya sîyasî Werîşe Mûradî 10ê teşrîna peyêne şubeyê 15ine ê Dadgeha Şorişî ya Tehranî bi îdiayê “îxanetê welatî” cezaya dardekerdişî ameye birnayîş.

 

Ame zanayîş ke badê cezaya dardekerdişî ci rê ameye birnayîş Werîşe Mûradî, tedayan dir rî bi rî ya, sere de heqê dermankerdişî pêro heqanê xo ra bêpar ameya verdayîş. 

 

Îdarekarê zîndanî ke verê vatibî, Werîşe Mûradî ke semedê îşkenceyê vînaya, problemê cidî yê weşîye ciwîyena, mesrefê nêweşxaneyêk teberê zîndanî de  do bi xo pêşwazî bikero û sewqê aye semedê nêweşxaneyî bêro kerdiş, badê qerarê dardekerdişî nê qerarî ca nêard.