Rozerîn Gultekîn

 

STENBOL - Aktîvîsta TJAyî Dîlan Geyîk ver bi 25ê Teşrîna Peyêne de derheqê rêxistibîyayîşî de qisey kerd û wina vat: “25ê Teşrîna Peyêne serra vîyarte de têkoşînê ma berz bî. Çareserîya hemverê hêrişan israrê têkoşînî yo. Hêzo ke komelî bivurno, cinî ya. Ma sebebê têkoşînê yewbînan ê. 25ê Teşrîna Peyêne de ma Taksîm de bêrê têhet.”

 

Têkoşînê azadîya cinîyan roj bi roje bi qerarêk pîl bi serewedaritişî pîl beno. Cinî seserra 21ine de bi têkoşînê hempar pawitişê cewherî rêxistin kenê. Sloganê ‘jin jiyan azadî’ ke awankerdişê ci têgêrayîşê cinîyanê kurdan o û her wareyî de berz beno. Têgêrayîşê Cinîyanê Azadan (TJA) hemverê şîdetê camêrdî de dewlete bi sloganê ‘jin jiyan azadî’ 25ê Teşrîna Peyêne Roja Têkoşînê hemverê Şîdetê Cinîyan yê Navneteweyî pêşwazî kenê.

 

Aktîvîsta TJAyî Dîlan Geyîn, derheqê têkoşînê kenê û pêşwazîkerdişê 25ê teşrîna peyêne de ercnayîş kerd.

 

‘Semedo ke hişmendîyê cinî vejîyo werte ma şuxilyayî’

 

Dîlan Geyîk wina vat: “25ê Teşrîna Peyêne serra vîyarte ra heta nika têkoşînê cinîyan pîl bî û hemverê nê de zî şîdet bi tewirê cîya zêde bî. Îqtîdar her wareyê cuye de cinîyan tepişneno û wazeno peyser verdo. Şikdarî zî bi rayîrê bêcezaverdayîşî cesaret gênê. Ma zîhnîyetê camêrd-dewlete ke heta welidnayîşê cinî mudxale keno vîna. Ma TJAyîjî hemverê hêrişan têkoşînê xo kerd. Ma Ewropa, Tirkîya û Kurdistan de wendişê azadîye pê bîyarê. Ma nê wextî de tecrîdî ser munaqeşe kerd. Ma derheqê tecrîd û şerê taybetî de atolye pê ard û cinîyan dir ameyî têhet. Hemverê şerê taybetî ma munaqeşe kerd. Ma hişmendîyê cinî, bi rêxistibîyayîşê taxe vet werte.”

 

Awankerdişê koalîsyonê cinîyan yeno munaqeşekerdiş

 

Dîlan Geyîk dîyar kerd hêzê xo Sarayan, Nagîhan Akarsel û yê bînan ra gênê û vat: “Her cinîya ke têkoşînê azadîye kena, sebebê têkoşînê ma ya. Hedefê ma yê seserra 21ine bibo seserra cinî, est o. Ma nê prosesî de çîyo tewr zêde munaqeşe kerd, xeta têkoşînî û awankerdişê koalîsyonê cinî bî. Ma kombîyayîş kerd û atolye plan kerd. Îqtîdar rêxistina cinîyan tehdîd vîneno. Hedefê ma oyo ke ma bi cinîya azade, xo biresnê komelê azadî. Ma 25ê Teşrîna Peyêne de Taksîm de bêrê têhet.”