MERKEZÊ XEBERAN - Bi wesîleya nêzdîbîyayîşê 25ê Teşrîna Peyêne Roja Têkoşînê hemverê Şîdetê Cinîyan de Kongra Star ê kantonê Hesekî dewreyêke perwerdeyî camêrdan rê akerd.

 

Çarçewaya rêzeçalakîyê 25ê Teşrîna Peyêne Roja Têkoşînê Hemverê Şîdetê Cinîyan de Kongra Starî ya kantonê Hesekî, dest bi perwerdeyê camêrdan ê merkezê Kongra Starî ya kantonê Hesekî kerd. Perwerde de 35 camêrdî, sazgehê komelê sivîlî, Hêzê Asayîşî û Trafîkî amade bîyî. Babetê ke mîyanê 3 rojê perwerdeyî de bêrê vînayîş, qanûnê keyeyî ser, nijadperestî û zewacê têduştî yê.

 

‘Bi keyeyê demokratîke ver bi awankerdişê komelêk azad û demokratîke’

 

Babeta ewro qanûnê keyeyî ser o hetê Endama Kordînasyonê Kongra Starî ya Kantonê Hesekî Ala Henteş ra ame dayîş. Ala, bale ant serê muhîmîyê naskerdişê qanûnê keye û awankerdişê keyeyêk demokratîke û vat: “Eke ma esasêk demokratîke nêdê awankerdiş, ma do nêeşkê komelêk azad û demokratîke bidê awankerdiş. O zî rayîrê awankerdişê cinî û camêrdê azad de dûrê hişmendîyê pederşahî ke bi hezaran serrî înan kole kerdo de yo.”

 

Dewreya perwerdeyî do 3 rojan dewam bikero.