RIHA - Roja heqê tutan de 3 hezar 690 tutî zîndanan de yê û hûmara tutan, mabêne emrê 0-6 yê bi dayîkanê xo dir tepişteyê zî 756 a. Bi pêroyî 4 hezar tutî, binê emrê 18yî de zîndanan de yê.

 

Sere de Rojhelatê Mîyanên seranserê dinya de heqê tutan de peyserbîyayîşî est o û heqê tutan de averşîyayîşêk çin o. Peymana Heqê Tutan ê Neteweyê Yewbîyayî ke 193 welatî îmza kerd, kaxidî ser o maneno.Tirkîya de zî 1990î de peyman îmza kerd û aqûbetê tutê Tirkîya û Kurdistanî ameyî vînîkerdiş û înfazkerdiş nîno zanayîş.

 

Heto bîn ra babeta heqê tutan de Tirkîya, wextê merdimî tutanê tepişteyan ewnîyeno ke Tirkîya na babete de sinife de menda.

 

Zîndanan de 3 hezar û 690 tutî est ê

 

Wexto ke merdim dayeyê ke wezaretê edaletî parekerdişî ewnîyeno 1ê teşrîna peyêne dima hûmara tutanê tepişteyan 3 hezar û 690 a.

 

Sewbîna hûmara tutan dayîkê xo dir manenê yê mabêne emrê 0-6 zî 759 a.