ŞIRNEX - Cinîya bi nameyê Denîz Erkana ke dejê welidnayîşî ciwîyayîne û şîye Nêweşxaneyê Dewlete yê Şirnexî, dinyaya xo bedelnaye. 

 

Welatija bi nameyê Denîz Erkana diganî, semedê dejê welidnayîşî şîye Nêweşxaneyê Dewlete yê Şirnexî. Di saetê vernîya ke bebikî/e bîyaro dinya, rewşa aye xidar bîye. Denîz Erkana ke wedarnayî beşê giranî yê nêweşxaneyî, tîya de dinyaya xo bedelnaye. Netîceya mudaxaleyî de bebikê/e Denîz Erkane ameye xelisnayîş. 

 

Ame zanayîş ke sebebê merdişê Denîz Erkan do badê raporê otopsî dîyar bibo. Dîyar bî ke Wezaretê Weşîye sebebê merdişê Denîz Erkane de do cipersayîş bido destpêkerdiş û cigêrayîş bikero ke gelo bêeleqedarîyê nêweşxaneyî bîyo sebeb yan nê.