Mîdye Miqted

 

HELEB - Cinîyê Helebî derheqê komployê mîyanneteweyî dîyar kerdî ke ame waştiş hêzê komploger şarê kurdî û Abdullah Ocalan yewbînan ra bibirnê û vatî: "Ma 26 serrî yo komployê ke rayberî ser o ameyo kerdiş, şermezar kenê. Tewr zêde ma paweyê a roje yê ke ma Rayberê xo azad mîyanê xo de bivînê, semedo ke xêrê fikr û felsefeya Rayberî ma resayî roja ewro."

 

Rayberê PKK’yî Abdullah Ocalan 15ê Sibata 1999ine de bi komployê mîyanneteweyî ardî Tirkîya û no hetê têkoşînê azadîya şarê kurdî de bî nokteyêke tarîxî. No proses hetê şarê kurdî, hem hetê îdeolojîk, hem hetê rêxistibîyayîşî de tesîrêk giran kerd.

 

Cinîyê Helebî derheqê komployê mîyanneteweyî de ercnayîş kerdî. Cinîyan bale ant serê azadîya fîzîkî ya Abdullah Ocalanî û vatî, komplo nêresa amancê xo.

 

'Waştî şar û Raybertî yewbînan ra bivisyê'

 

Endama Şaredarîya Şarî ya bajarê Helebî Cîhan Mustefa derheqê komplo de wina vat: "Bî 26 serrî yo ke Rayberê ma Abdullah Ocalan zîndanê Îmraliyî de mîyanê tecrîdêk girankerde de yo. Dewletê komplogerî bi remnayîşê Rayberî waştî ke şarê kurdî fek Rayberî vera bidê la tewr zêde ma bi Rayberî û felsefeya ey rê ameyî girêdayîş. Ma hêz û moralê xo Rayberê xo ra gênê."

 

'Azadîya Rayberî azadîya pêro şaran a'

 

Cîhan Mustefa da zanayîş ke do kes nêeşko roja kurdan tarî bikero û wina vat: "Tu kes nêeşkeno roja ma tarî bikero, semedo ke ma roşnîya xo felsefeya Rayberî ra gênê. Ma paweyê azadîya Rayberê xo yê, azadîya Rayberî do bi têkoşînêk pê bêro. Semedo ke azadîya rayber Abdullah Ocalanî azadîya pêro şaranê azadîwaştoxan a. Yê ke wazenê azadî bi dest bikerê, azad biciwîyê, ganî felsefeya Rayberê Abdullah Ocalanî xo rê bingeh bigîrê."

 

'Ma azadîya Rayberê xo wazenê'

 

Endama Şaradarîya Şarî ya bajarê Helebî Fatme Merwan zî derheqê komployo ke Rayberê PKK'yî Abdullah Ocalanî ser o ame kerdiş, wina vat: "Ma 26 serrîya komployê ke rayberî ser o ame kerdiş, şermezar kenê. Tewr zêde ma bendeyê a roje yê ke ma Rayberê xo azad bivînê, semedo ke bi xêrê fikr û felsefeya Rayberî ma resayî roja ewro."

 

'Semedê Rayberê xo ma do xoverdayîşê xo girs bikerê'

 

Tewr peyîn Fatme Merwan vat: "Semedê azadîya Rayberê Şarê Kurdî Abdullah Ocalanî ma do xoverdayîş û têkoşînê xo pîlêr bikerê, heta ke ma Rayberê xo mîyanê xo de bivînê."