MERKEZÊ XEBERAN - DGF û DÎSK Basin-Îşî, reaksîyon vera hêrişa qirqerdişê sîyasî yê hemverê HDKyî û tepiştişê rojnamegeran mojna.

 

Hêrişê qirqerdişê sîyasî yê hemverê HDKyî de rojnamegere Elîf Akgul, Ercument Akdenîz û Yildiz Tar ameyî tepiştiş. Komaleya Rojnamegerê Dîcle Firatî (DGF) û DÎSK Basin-Îşî derheqê tepiştişê rojnamegeran de eşkerayîyêke nuşteyî da.

 

DGFyî eşkerayîya xo de dîyar kerd ke do rojnamegerî nuşteyê raştî ser o dewam bikerê û wina vat: “No heqîqet semedê kesê ke hêrişê rojnamegeran kenê û înan tepişnenê beno dert. Elîf Akgul, Ercument Akdenîz û Yildiz Tar rojnameger ê. Ê rojnamegerî ra wetayêr semedê rojnamegerî têkoşîn kenê û pêgirewtişî pîl kenê. Ma sere nêtewêna, ma do nêtewê. Ma do heqîqetî her daîm binusê. Heta pêro rojnamegerê tepişteyî serbest bêrê veradayîş ma do têkoşînê xo dewam bikerê.”

 

DÎsk Basin-Îşî zî wina vat: “Amancê operasyonan bêvengkerdiş û çewisnayîşê mixalefetê komelî yo. Rojnamegerê ke heqê agahîgirewtişî şarî ra pawenê û welatijê ke heqê xo yê rêxistinbîyayîşî şuxilnenê, bi rayîrê hukmî rastê tehdîdan yenê û demo ke sere nêtewênê zî yenê hepiskerdiş. Ma do hemverê polîtîkaya zextî yê îqtîdarî sere nêtewênê. Ma do waştişê edaletî û azadîye dewamî berz bikerê û têkoşînê xo geş bikerê. Hevalê ma yê ke ameyî tepiştiş ganî serbest bêrê veradayîş.”