MERKEZÊ XEBERAN - Sazgehê Çimdarîyê Heqê Merdiman ê Sûrîye (SOHR) neql kerd ke 6ê adare û nata rojawanê Sûrîye de 973 elewîyê sivîlî ameyî qetilkerdiş.

 

SOHR ke Sûrîye de wayîrê torêk hîra yê çimeyan o, bale ant serê 'operasyonê pakitîya etnîkî û înfazê bêhukm' yê hetê komê çekdarî yê Şamî ra yenê kerdiş û neql kerd ke heta nika 973 kesî ameyî qetilkerdiş ke mîyan de tutî û cinî zî est bî.

 

Goreyê SOHR'î, hêzê çekdarî yê Şamî û hêzê çekdarî yê elewîyan tewr tay 481 kesî ameyî kiştiş.

 

Neteweyê Yewbîyayeyî, Washington û paytextê bînî qirkerdiş şermezar kerdî û venga selahîyetdaranê Şamî dayî ke peynîya kiştişê merdiman bîyarê.