MERKEZÊ XEBERAN - Rêxistina Heqê Merdiman ê Îranî HRNA’yî neql kerd ke wendekara unîversîta Hestî Emîrî semedo ke hemverê cezaya dardekerdişê Pexşan Ezîzî ameya û binpaykerdişê rejîmî rê reaksîyon mojnaya, ameya destbendkerdiş.

 

Rêxistina Heqê Merdiman ê Îranî HRNA’yî derheqê destbendkerdişê wendekara unîversîta Hestî Emîrî xeberêke pare kerd. Roja 26ê nîsane destbend bîya. Ame vatiş ke Şaxa 1ine Dozgeriya Pêroyî ya Zîndanê Evîne venga aye dayo û uca de destbend bîya û aye şirawitê zîndanê Evîne. Xebere de ame vatiş ke bi sûcê ‘propagandaya hemverê dewlete kerda’ û ‘xo nêpêşawa û vejîyaya teber’ ameya sûcdarkerdiş.

 

Eynî wextî de sebebê hemverê cezaya dardekerdişî yê Pexşan Ezîzî de sere wedarita û paştdayîş daya kampanyaya ‘Sêşemeyê Dardekerdişî rê Nê’, ameya destbendkerdiş. Vernîya nika 6ê adara 2025ine de hêzê Îtlaetê Îranî eştî keyeyê Hestî Emîrî û dest dabî telefon û kelûpelê aye yê taybetî ser o.

 

Tebaxa 2023ine de Hestî Emîrî bi sûcê ‘propagandaya hemverê dewlete’ serrêke cezaya zîndanî werdebî. Hestî Emîrî 5ê tebaxa 2024ine de zîndan ra amebî veradayîş.