AMED - Şewato ke Lîcê de vejîyabi û amebi kontrolkerdiş, vayî dir ancî dest pêkerd. Hurê û Celkê de tewr tay 10 hezarî ware bî welî, welatijan venga  helîkopterî kerd.

 

Qezaya Licê ya Amedî de şewato ke serê sibayî amebi kontrolkerdiş, bi tesîrê vayî ancî vejîya. Taxa  Hurê û Celkê de hemverê şewatî de welatijî û îtfaîye mudaxele kenê. Dekewtişê taxan de zî seba îhtîmalî birîndarî, ambulansî vindenê.

 

Komeleya Huqûqnasan ê Azadan (OHD) Odaya Muhendisanê Elektrîk û Komîsyonê Ekolojî (EMO), dîyar kerd ke adir kewto wareyêk hîra.

 

10 hezarî donim erd bî welî

 

Taxa Hurê de welatijan bi traktoran daxilê tefênayîşê şewatî bî û Henê de zî Hemşaredare Besile Narin amî herême û welatijan rê destek da. Goreyê tespîtê ewilî de derdûdorê taxa de tewr tay 10 hezar ware bî welî.

 

‘Lazimî bi helîkopter est o’

 

Welatijan dîyar kerd ke hîn cayen îtfaîye nêeşkena bikewo ci û lezkî hetkarîya bi helîkopterî est a û eke helîkopter mudaxale nêkero do ancî şewat vejîyo.