ANQARA - Kampanyaya semedê nêweşo Tîp 1 SMAyî Omer Asaf Aydino 18 aşme, se ra 60î temam bî. Keyeyê Aydînî, semedê beşê se ra 40î destek waşt.

 

Tirkîya de pitikê ke hemverê nêweşîya Spînal Muskuler Atrofi (SMA) têkoşîn kenê xeylê zêde bî û keyeyî semedê malîyetê pîlî yê tedawîya nêweşî de zehmetî ancenê. Nê keyeyan ra yew zî keyeyê Aydinî ke Stenbol de ciwîyeno yo. Omer Asafo ke hema yew hewteyê xo de ci rê teşhîsî SMA Tip 1 danê ro û semedê tedawîya ci zî 1 mîlyon û 809 hezar û 500 dolar malîyet yeno waştiş.

 

Rewşa ke dewlete semedê keyeyan çareyêk nêvînena, keyeyî çareserî kampanya de vînenê. Keyeyê Aydinî zî semedê lajê xo dest bi kampanya kerd. Babî Aslan Aydin dîyar kerd ke heta nika se ra 60 yê kampanya temam kerdê û 1 milyon û 809 hezar û 500 dolarî rê lazimîya înan est a, venga destekdayîşî kerd.