MERKEZÊ XEBERAN - Tepişteya sîyasî û çalakîkera heqê merdiman ê Îranî Nêrgiz Mihemedî ya ke Xelata Aştîye ya Nobelî girewte neql kerde ke şerê Îranî peynî nêbîyo, hukmat hemverê şarî de şer keno û va: “Helwestê hembeş ê çalakîkeran wayîrê qewetê vurnayîşê tarîxî yo.”

 

Tepişteya sîyasî û çalakîkera heqê merdiman ê Îranî Nêrgiz Mihemedî ya ke Xelata Aştîye ya Nobelî est a, derheqê rewşa welatijan ke binê zordarîya dewleta Îranî de yê Kovara Time rê qisey kerde.

 

Nêrgiz Mihemedî dîyar kerde ke şerê Îranî peynî nêbîyo û va: “Hukmat hemverê welatijan şer keno. Heta eke bomba nêvarno zî, şarê welatî aştîya rasteqîne nêvîneno. Semedo ke ê binê hukmatek de ciwîyenê heme hetê cuya welatijan kontrol keno. Aştîya şarê welatî semedê çimdarîyê domdarî, girewtişê keyfî, îşkence û tehdîdê şîdetî yê domdar vînî kerdo, aştîyêka ke semedê gendelî û îdareyê xirabî hîna zêdeyêr rijyayo.”

 

Çalakîkerê heqê merdiman Nêrgiz Mihemedî destnîşan kerde ke aştî tena nebîyayîşê şerî nîyo, bingehê ke demokrasî, aramî, girdbîyayîşê ekonomî, vurnayîşê komelî û awanîya komelê sîvîl ser de virazîyeno yo.

 

Nêrgiz Mihemedî qetî kerde ke helwestê têhet ê çalakîkeran wayîrê qewetê awankerdişê vurnayîşêko tarîxî yo.