Neslihan Kardaş

 

Polîtîkayê înkarî, wêrankerdiş û asîmîlasyonî yê ke ziwan û kulturê kurdî hedef gênê, bi serran o dewam kenê. Nêbîyayîşê perwerdeyê bi ziwanê dayîke dibistanan de û qedexekerdişê qiseykerdişî yê bi hezaran tutan, mîsalê verbiçimî yê nê polîtîkayê asîmîlasyonî yê. Pêwa heme qedexe, astengî û polîtîkayan, şarê kurdî bi ziwan, nasname û kulturê xo cuya xo dewam keno. Şarê Cizîre yew komelo ke ziwanê xo tewr rind paweno û hema vaje bi temamî bi kurdkî ciwîyeno yo.

 

Nuştişê kurdkî tabelayan ser o çin o

 

Pêwa ke kurdkî hema vaje heme hetanê cuya rojane ya Cizîre de yena qalkerdiş zî nêbîyayîşê ziwanê kurdkî tabelayan ser o agahdarkerdiş û hişyarkerdişî yê cayê tarîxî yê bajarî ser o balkêş o. Cayê kulturî yê bi seyine serran her roje hetê bi desine welatijî û turîstan ra yenê zîyaretkerdiş. Nêbîyayîşê ziwanê kurdkî tabelayê agahdarkerdişî û hişyarkerdişî yê ser o balkêş o. Tabela ser o tena nuştişê bi tirkî û îngilîzkî est o. Hîn cayan de erebî yeno şuxilnayîş, la ziwanê şarî hema vaje tu cayî de nîno dîyayîş.

 

Girewtişê agahîye bi ziwanê xo bajarê xo de çin o

 

Metnê agahdarkerdişî yê mescîdanê tarîxî, Medreseyê Sûrî, goristanê Mem û Zîne û Birca Belekî bajar de bi ziwanê kurdkî çin ê. No hewldayîş sey dewamkerdişê polîtîkayê înkarî, wêrankerdiş û asîmîlasyonî yeno dîyayîş. Bi taybetî nê cayî de, welatijî fehm û girewtişê agahîye de zehmetîyanê muhîm dir rî bi rî manenê, bi taybetî semedo ke nifûsê zaf tay tirkî qisey keno yan zî hema vaje tirkî nîna qalkerdiş. Nêbîyayîşê girewtişê agahîya nuştekî bi ziwanê xo bajarê xo de mîyanê şarî de beno sebebê nêrazîbîyayîşî.

 

Zaf ziwanî est ê, la ziwanê şarî çin o

 

Nêbîyayîşê ziwanê şarî yê bajar de tabelayê zafziwanî hem semedê turîstan hem zî semedê roniştoxan verbiçim o. Nêbîyayîşê ziwanê şarî yê tabelayê ke bi nîşandayîşê zafziwanî ameyî amadekerdiş mîsalê tewr verbiçimî yê polîtîkayê asîmîlasyonî yê hemverê ziwanê kurdkî yo.​​​​​​​​​​​​​​​​