ANQARA – Platformê 25ê Teşrîna Peyêne, seba Rojê Mîyanneteweyî yê Têkoşînê Verba Tedayê Serê Cinîyan, veng da cinîyan ke têkoşînê hempar de bibi yew.

 

Platformê 25ê Teşrîna Peyêne yê Anqara, seba Rojê Mîyanneteweyî yê Têkoşînê Verba Tedayê Serê Cinîyan, Cadeyê Selanîkî yê taxa Kızılayî de eşkerayîyêk da çapemenîye.

 

Eşkerayîya ke tede veng da têkoşînê verba tedayê serê cinîyan, hetê verfeka Partîya Sosyalîst a Tirkîya (TSP) ya ke yew endama platformî ya, Merve Vargeloglu ra ame wendene.

 

Merve Vargeloglu wina vat: “Ma qebûl nêkenê ke her cayê ke ma nefes gênê bêrê ablûqakerdiş, bi tehdîdê tepiştişî bêveng bêrê verdayîş û verba tedayê mêrdan û dewlete de sere bitewinê. Ma zanê ke no ablûqakerdişê şîdetî, verba têkoşînê rêxistinkerde yê cinîyan û LGBTÎ+’yan nêeşkeno lingan ser de bimano.”