Elfazî Toral

 

STENBOL - Bi keda kolektîf a jinên ciwan bi dirûşmeya "Berxwedan mîrateya jinên azad e" hejmara yekemîn a Jinerjî Fanzîn derket. Guldestan Îgîn der barê xebatê de axivî û got bi xebata dimeşînin wê rastiyên ji aliyê zîhniyeta serdest ve hatine veşartin derxin holê.

 

Jinên ciwan bi dirûşmeya "Berxwedan mîrateya jinên azad e" di 8’ê Adarê Roja Jinan a Cîhanê de hejmara yekemîn a Jinerjî Fanzîn derxist. Mijara yekemîn a Jinerjî Fanzîn "Têgeh û jin" e. Jinerjî Fanzîn têkoşîneke xurt a li dijî serdestiya mêr esas digire. Di hejmara derketiye de têgehên wekê jiyan, xwebûn, ekolojî, lîberalîzm, çand, bawerî, azadî û her wiha sernavên pirtûk, wêne, helbest û fîlman jî cih digirin. Ev xebata ku berhema kolektîf a jinên ciwane wê berdewama wê bê.

 

Ji Jinên Ciwan Guldestan Îgîn, der barê xebata Jinerjî Fanzîn axivî

 

Guldetan Îgîn diyar kir ku hejmara yekemîn di 8’ê Adarê de derketiye û di esasa xebatê de nêrîna jinê heye û wiha vegot: “Em dixwazin bi nêrîna jinan, rengê jinan rastiya ku serdestiya mêr berovajî kiriye derxin holê. Di vê nokteyê de mijara yekemîn a Jinerjî Fanzîn jin û têgehin. Ji bo hinek tişt bên fêmkirin divê behsa têgehan bê kirin. Têgeh hîmê esas yên pêşketina hişê civakî ava bikin. Di naveroka Jinerjî Fanzîn de mijarên li ser jiyan, xwebûn, ekolojî, lîberalîzm, çand, bawerî û azadî hene.”

 

Wê xebat bidomin

 

Guldestan Îgîn daxuyakirin ku jin 24 saetan di bin êrişên serdestiya mêr de ne û got: “Hewl didin me ji nasname û rastiya civakî qût bikin. Di vê esasê de êrîş zÊde dibin. Em pêşengÊn civakê wek jinên ciwan xwedî berpirsyarîne. Divê em rêxistibûna jinan xurt bikin. Di vê nokteyê de me xebata fanzîn meşand. Ji cihên cuda ji aliyê jinan ve nivîsên hatine nivîsîn hene. Em dixwazin xebatên Fanzîn li qadên berfireh bimeşînin. Fanzîm bi vê armancê derket. Wê berdewama wê hebe.”

 

‘Berxwededan pusulaya jinê ye’

 

Guldestan Îgîn berdewamiyê de anî ziman ku jin di her qada jiyanê de pêşengên heqîqeta civakî ne û wiha dirêjî dayê: “Niha li her çar alî cîhanê têkoşîna jinê bi felsefeya ‘jin jiyan azadî’ mezin dibe. D iher qada jiyanê de jin hedef tên girtin. Hewl tê dayîn jin bê nasname bê hiştin. Em jinên ciwan di hewldana ku bersivê bidin û têkoşîna xwe bilind bikin. Em ê dengê xwe li her qadê biling bikin, gotina xwe bêjin. Berxwedan pusulaya jinê ye. Jinerjî Fanzîn xebatek komunal e. Ji gelek jinên deverên cuda piştgirî ji bo xebata jinerjî hat. Jin bi hev re hildiberînin.”