MERKEZÊ XEBERAN - Rêxistina Efûyî ya Mîyanneteweyî (AMNESTY) bi eşkerayîyêke venga Îranî da ke cezaya dardekerdişî ya semedê Şerîfe Mihemedî xirab bikero û bêro azadkerdiş.

 

Rêxistina Efûyê ya Mîyanneteweyî (AMNESTY) derheqê tesdîqkerdişê cezaya dardekerdişî ya semedê tepişteya sîyasî Şerîfe Mihemedî de eşkerayîyêke vila kerd.

 

AMNSTY’yî eşkerayîye xo de neql kerd ke ê reyke bîn venga xirakerdişê cezaya dardekerdişî ya Şerîfe Mihemedî kenê û ganî demêk lezkî bêra veradayîş.

 

Ercê vatişî yo ke çalakîkere û kedkara heqê cinîyan Şerîfe Mihemedî (45) şarê bajarê Urmiye ya û bajarê Reştî de roniştox a. Şerîfe Mihemedî kanûna 2023ine de bi sebebê ‘Propagandaya hemverê dewlete’ kerda, amebî destbendkerdiş û 4ê temmuza 2024ine de hetê Dadgeha Şorişî ya rejîmê Îranî ra cezaya dardekerdişî ci rê amebî birnayîş. Badê nê wê 12 teşrîna verêne emserî de qerarê cezaya dardekerdişî Şerîfe Mihemedî amebî xirabkerdiş. Tewr peyîn 13ê sibate de reyke bîn cezaya dardekerdişî tepişteya sîyasî Şerîfe Mihemedî ser o ameye tesdîqkerdiş.