MERKEZÊ XEBERAN - Heleb û herêmê Rojawanê Kurdistanê-Vakur û Rojhelatê Sûrîye de girseyê şarî verê xo dayî meydanê pîrozbayîyê 8ê Adare.

 

Helebê û herêmê Rojawanê Kurdistanê-Vakur û Rojhelatê Sûrîye de bi wesîleya 8ê Adare Roja Cinîyan ê Dinya girseyê şarî herikyeno 5 meydanê pîrozbayî. 

 

Pîrozbayî do bi sloganê "Bi felsefeya Jin, Jiyan, Azadî ver bi Sûrîyeya demokratîke" Hesekê, Qamişlo, Reqa, Kobanê û Helebî de bêrê organîzekerdiş.

 

Na çarçewaya de welatijê Qamişlo, Til Hemîs, Til Koçer, Dêrik, Tirbespiyê, Amûdê û Girkê Legê herikyenê Meydanê Newroze yê taxa Hîmo ya bajarê Qamişloyî. Welatijê Hesekî, Til Temir, Dirbêsiyê, Şedadê, Til Birak û Holê verê xo danê Stadyumê Beledî yê bajarê Hesekî. Welatijê kantonê Firatî (Kobanê, Eyn Îsa, Sirîn) herikyenê Meydanê Şehîd Egîd ê bajarê Kobanê. Sewbîna welatijê taxê Şêxmeqsûd û Eşrefiye yê Helebî şinê Meydanê Newroze yê herêma Şiqeyêf. Welatijê Reqayê zî do pîrozbayî Staduymê Beledî de bikerê.