ÎZMÎR - Denîz Poyraz ke ameye qetilkerdiş, gorê xo ser o ameye yadkerdiş. Yadkerdişî de Parlamentera DEM Partîye ya Îzmîrî Burcu Gul Çubuk qisey kerd û dîyar kerd ke dewleta camêrd do hesabê sûcê şerî bido.

 

Têgêrayîşê Cinîyanê Azad (TJA), Partîya Têduştî û Demokrasî (DEM), Înîsiyatîfê Dayikê Aştîye yê Îzmîrî û Meclîsê Cinîyan ê HDP'yî yê Îzmîrî şîyî serdayîşê gorê Denîz Poyraz û çalakîya yadkerdişî organîze kerdî.

 

Yadkerdiş serê nameyê Dayîkê Aştîye Behiye Yalçin vatişê yewi kerd. Behiye Yalçin qetilkerdiş şermezar kerd û dîyar kerd ke ganî cinî hesap bidê.

 

Badê cû Parlamentera DEM Partîye ya Îzmîrî Burcu Gul Çubuk heqê qiseykerdişê girewte û dîyar kerd ke ê do hesab kiştoxê Denîz Poyraze ra bipersê û dîyar kerd ke nameyê aye tu wext nêro xovîrrakerdiş.

 

Yadkerdişî de semedê Denîz Poyraz û kesê ke têkoşînê cinîyan de dinyaya xo bedelnaye, deqeyêk rêze ame girewtiş. Badê rêzgirewtişî qerenfîlî gorê Denîz Poyraze ser o ameyî ronayîş.

 

Yadkerdiş bi sloganê "Denîz Poyraz bêmerg a", "Jin jiyan azadî" û "Şehîd namirin" peynî bî.