MEREŞ - Gerok MA’yê li Taxa Musolar a Bazarcixê ji bo zarokên erdhejê atolyeya muzîkê li dar xist. 

 

Koma Gerok MA’yê ku ji hêla endamên Zarok MA, MA Muzîk, Navenda Çandê ya Mezopotamyayê (MKM), Komeleya Çand û Hunerê ya Dîcleyê, Navenda Çandê ya Aryenê, ŞanoWan, Şanoya Bajar a Amedê, Komeleya Jin, Çand, Huner û Wêjeyê (KASED) û Komeleya Akademiya Sînemayê ya Rojhilata Navîn (OSAD) ve hatiye avakirin, hate navçeya Bazarcix a Mereşê. 

 

Koma Gerok MA’yê li gundê Musolar ê navçeyê li dimbilk û defê xist, stranên kurdî gotin. Piştre jî komê zarokên gund li qadekê kom kirin û çalakiyek li dar xistin. Eleqeyeke mezin a malbatan jî bo koma Gerok MA’yê hebû. Di vê navberê de zarokan gelek lîstik lîstin. Piştre jî bo zarokan atolyeya muzîkê li dar xistin, zarokan li dimbilkê xistin û stran gotin. 

 

Dê biçin herêmên din jî yên erdhejê

 

Koma Gerok MA’yê piştî atolyeyê bi zarokan re voleybol lîst. Herî dawî jî komê xatirê xwe ji zarokan xwest û ji gund derketin. Tê payîn ku koma Gerok MA’yê biçe navçeyên Nûrdagi, Islehiye, Samandag, Îskenderûn, Antakya û navenda Hatayê.