STENBOL - Girtiyên xebatkarên Çapemeniya Azad îsal hêjayî 21'emîn Xelatên Azadiya Raman û Îfadeyê ya Ayşenur Zarakolu hatin dîtin.

 

"21'emîn Xelatên Azadiya Raman û Derbirînê Ayşenur Zarakolu” yek ji damezrînerên ÎHD'ê bû xwediyên xwe dîtin. Rojnameger-Nivîskar Pakrat Estukyan, Rojnameger-Nivîskar Tugrul Eryilmaz û xebatkarên Çapemeniya Azad ên girtî hêjayî 21'emîn Xelatên Azadiya Raman û Îfadeyê ya Ayşenur Zarakolu hatin dîtin.

 

Piştî mirina parêzvana mafên mirovan Ayşenur Zarakolu, ji sala 2003'an û vir ve "Xelatên Azadiya Raman û Îfadeyê ya Ayşenur Zarakolu" ji aliyê Şaxa ÎHD'ê ya Stenbolê ve tên dayîn.

 

Merasîma xelatdayînê wê îro saet di 18.30 de li Salona Civînê ya Emîl Galîp Sandalci ya ÎHD'ê bê lidarxistin. ÎHD'ê banga tevlîbûna merasîma xelatdayînê kir.

 

Ayşenur Zarakolu kî ye?

 

Parêzvana mafên mirovan û xwediya Weşanxaneya Belge Ayşenur Zarakolu di 28'ê Çileya 2002'an de ji ber nexweşiya penceşêrê jiyana xwe ji dest daye ye.