NAVENDA NÛÇEYAN - Fikarên kûrewî yên li ser pêşeroja hişê çêkirî zêde dibin. Pisporan, hişyarî dan ku pergala hişê çêkirî ya super wê ji kontrola mirovan derkeve. Her wiha pêşbaziya navbera şîrketan a ji bo pêşxistina teknolojiyên ku dibe gef li hebûna mirovahiyê dixwe.

 

Nîqaşên li ser pêşeroja hîşe çêkirî zêde dibin. Her çend hêviyek têkildarî potansiyela ku ev teknoloji di warên wekî zanist û bijîşkî de pêşkêşî dike heye jî, der barê dikare bi awayên ku ji kontrola mirovan derbas dibin pêş bikeve, rêvebibe an jî rêkûpêkkirina wê dijwar bike de fikaran ava dike.

 

Lêkolînera berê ya şîrketa Google DeepMind, di daxuyaniya xwe ya Zirveya Bilind a NDTV de, hişyarî da ku ji bo hebûna mirovahiyê xetereyek bi rîsk heye. Lêkolîner, diyar kir îhtîmala ku hişê çêkirî di deh salên pêşiya me de mirovahiyê tûne bike, ji sêyan yek e.

 

Di daxuyaniya hate dayîn de, hate destnîşankirin ku pêşbaziya navbera şîrketan a ji bo pêşxistina pergalên hişê çêkirî ya super dikare bibe sedem ku pergal ji kontrola mirovan derkevin û bêyî rêveberîna rasterast bi awayên nepêşbînîkirî tevbigerin. Her wiha hate balkişand diyardeya "teqîna hişê" senaryoyek ku tê de makîne dikarin bi lez pêş bikevin û xwe baştir bikin e.

 

Lêkolîner, li dijî karanîna pergalên hişê çêkirî ji bo çavdêriya pergalên din jî hişyarî da û destnîşan kir ku nêzîkatiyek wusa dikare rola çavdêriya mirovan kêm bike û tespîtkirina xeletiyan an jî tevgerên nayên xwestin hêj zêde dijwartir bike.

 

CEO’yê berê yê Microsoft, hişyarî da hişê çêkirî dikare ji bo pêşxistina çekên biyolojîk were bikar anîn û destnîşan kir pergalên pêşkeftî dikarin ji mirovên nebaş re gihîştina amûrên xeternak hêsantir bike. CEO’yê, tekez kir ji bo kêmkirina rîskên potansiyel, divê pergalên îstîxbarata çêkirî di bin çavdêriyeke tund de bin û şiyanên wan bi awayekî berdewam bên şopandin.