STENBOL - Ji aliyê TJA û Înîsiyatîfa Dayikên Aştiyê ve ji bo Roja Dayikan bernameyek hat organîzekirin. Di bernameyê de helbesta Rêberê Gelê Kurd Abdullah Ocalan a bi navê “Ji hemû zarokan re” ji bo zarokan hatî nivîsandin hat xwendin.

 

Tevgera Jinên Azad (TJA) û Înîsiyatîfa Dayikên Aştiyê bi boneya Roja Dayikê li avahiya Partiya Wekhevî û Demokrasiyê ya Gelan (DEM Partî) a navçeya Bagcilara Stenbolê bernameyek li dar xistin. Tevî jinên TJA'yê, endamên Dayikên Aştiyê, ANYAKAY-DER û gelek jin tev li çalakiyê bûn û pankarta bi nivîsa "Ji bo dayikan diyariya herî baş aştî ye" hat daliqandin.

 

Rêberê Gelê Kurd Abdullah Ocalan li ser nameyên ku ji hêla zorakan ve hatî şandin bi navê “Ji Hemû Zarokan re” helbestek nivîsî. Ev helbest di bernameya Roja Dayikan de ji rayagiştî re hat parvekirin. Abdullah Ocalan helbesta xwe diyarî zarokan kir. 

 

Helbest di bin dirûşma "Bijî Serok Apo" hat guhdarkirin.