Jinên aktivîstên aştiyê di 2016'an de li meclîsê çalakiya rûniştinê li dar xistin. Di çalakiyê de jinan laçikên xwe avêtin erdê. 

 

Hinek geşedanên di dîrokê de îro qewimîne wiha ne:

 

1908: Aktivîsta Mafê Jinan Cecilia Makiwane li Başûrê Efrîkayê wekî yekemîn hemşîreya pispor dest bi peywirê kir. Di vê serdemê de astengiyeke li dijî reşikan hebû ku bibin hemşîre. Ji sedî 6 jinên reşik xwendibûn. Cecilia ji ber dikaribû biçiya dibistanê azmûna hemşîretiyê derbas kir. 

 

1945: Femînista radîkal Shulamith Firestone ji dayik bû.  Shulamith di 25 saliya xwe de pirtûka bi navê "Diyalektika Zayendiyê: Doza Azadiya Jinê" nivîsand û ev pirtûk ji bo tevgera femînist a Emerikayê bû metnek klasîk. Shulamithê di 67 saliya xwe jiyana xwe ji dest da. 

 

2002: Rûniştina doza polîsên ku di tebaxa 2001'ê de li Şileya Stenbolê jinek revandibûn û tecawizê wê kiribûn hat dîtin. Feministan û rêxistinên jinan rûniştin şopandin. Doz bi beratkirina yekî û tenê bi cezakirina kesekî bi encam bû. 

 

2009: Ji fikrên cuda bi dehan jin li Îsraîlê daxuyaniyeke hevpar dan û xwestin demildest dawî li pevçûnê bê. Di daxuyaniyê de hat gotin bedelê herî giran jin û kesên bi cudatiyê rû bi rû tên hiştin didin û banga hevdîtina aştiyê ya di navbera Îsraîl û Filîstînê hat kirin. 

 

2016: Jinên parêzvanên mafên mirovan li Lijneya Giştî ya Meclîsê ji bo aştiyê çalakiya rûniştinê li dar xistin. Şebnem Korur Fincancı, Mine Nazari, Nadire Mater, Neşe Ozgen, Nimet Tanrıkulu, Umit Efe û Umit Sezer di çalakiya ku pêk anîn de xwestin mirinên li herêmê bi dawî bibin û ji bo vê yekê meclîs vexwend peywirê. Jinên laçikên xwe yên sipî danîn erdê gotin Em welatekî azadî, demokrasî, aştî lê heye dixwazin. 

 

2017: Piştevaniya Jinê ya Nar bûyera tecawiza di hundur wesayetê de ya li Enqereyê bi daliqandina dowizan a bi dîwar û rawestgehan şermezar kirin. 

 

2018: Partiya Demokratîk a Gelan (HDP), li Amedê Konferansa Jinê ya Herêmê li dar xist.