RIHA - Hevşaredarê Xelfetiyê bang qeyûm kir û wiha got: “Hemû endamên meclîsa me xelkê Xelfetiyê ne. Qeyûm, tu ji ku yî? "

 

Li navçeya Xelfetî ya Rihayê li dijî tayînkirina qeyûmê li şaredariyê berxwedan di roja xwe ya 18’emîn de didome. Endamên Meclîsa Şaredariyê yên Partiya Wekhevî û Demokrasiyê ya Gelan (DEM Partî) ên ku nobedê girtibûn, careke din hatin astengkirin. Endamên meclîsê û gelek kesên di nav de Parlamenterê DEM Partiyê yê Rihayê Ferît Şenyaşar û Hevşaredarên Xelfetiyê Mehmet Karayilan û Saniye Bayram jî di nav de li ber avahiya şaredariyê bi bariyeran hatin astengkirin. Midûrê Emniyetê diyar kir ku ti biryarek ji bo astengkirina endamên meclîsê nehatine girtin, diyar kir ku li dijî vê yekê dikarin li edliyeyê serlêdana sûc bikin. Endamên partiyê pirsîn, "Em ê giliyê kê ji kê bikin, hûn kê ji kê diparêzin?" 

 

'Em vê dagirkeriyê qebûl nakin'

 

Hevşaredarê Xelfetiyê Mehmet Karayilan, diyar kir ku ev pêkanîn bi temamî kêfî ye û got, “Hûn dizanin ku tiştên hûn dikin ne hiqûqî ye. Hûn ne li gorî qanûnê tevdigerin. Li vir tevgera bi kêfî heye. Dibêje here giliyê xwe bike ji ber ku tu dizanî bêqanûnî heye. Sibe jî hewcedariya we bi vê qanûnê heye. Tenê îradeya gel nehatiye desteserkirin. Em vê dagirkeriyê qebûl nakin."

 

Hevşaredarê Xelfetiyê bang qeyûm kir û wiha got: “Hemû endamên meclîsa me xelkê Xelfetiyê ne. Qeyûm, tu ji ku yî? "

 

'Ev dagirkerî ye'

 

Hevşaredara din a Şaredariya Xelfetiyê Saniye Bayram jî got: “Hûn sûc dikin. Hûn nahêlin em xizmetê ji gel re bikin. Divê em biryarekê bidin. Em ê her roj bên şaredariya xwe. Wan her tişt firot. Ew ê xaniyên me jî bifroşin. Divê ti kes vê qebûl neke û vîna xwe biparêze. Şaredarî li pişt van astengan nikare bê rêvebirin. Em bi tercîh hatin. Me tu neheqî li kesî nekir. Ger hilbijartinek nû çêbibe em ê dîsa bi ser bikevin. Ev dagirkerî ye. Em vê dagirkeriyê qebûl nakin. Divê gelê me her tiştê xwe biparêze."

 

Çalakiya rûniştinê hate lidarxistin

 

Piştre jî, li hember astengiyên polîsan çalakiya rûniştinê hat lidarxistin. Piştî çalakiyê heta qada berxwedanê meş hat lidarxistin û dirûşmeyên "Qeyûm dê biçin, em ê werin" hatin berzkirin.