AMED - KASED ku wê di navbera 29'ê Îlonê û 5'ê Cotmehê de li navçeya Sûrê ya Amedê Mîhrîcana Surfesta Jinan li dar bixe, wê hemû çalakiyan bi zimanê zikmakî pêk bîne û di festîvalê de konser, panel û çalakiyên zarokan pêk bîne.

 

Polîtîkayên asîmîlasyonê yên ku bi taybetî li herêma Kurdistanê di serdema qeyûmên ku ji aliyê hikûmetê ve hatibû tayînkirin, li bajaran wêraniyeke mezin çêkir. Şaredariyên girêdayî Partiya Wekhevî û Demokrasiyê (DEM Partî) ku piştî hilbijartinên herêmî yên 31’ê Adarê şaredariyên ku ji aliyê qeyûman ve hatibûn desteserkirin paşde girtin, li dijî wêrankirina qeyûman xebatên xwe yên başkirina bajaran bi hemû leza xwe didomînin. Yek ji van çalakiyan jî festîvala Surfestê ye ku wê ji 29'ê Îlonê heta 5'ê Cotmehê li navçeya Sûrê ya Amedê bidome. Komeleya Çand, Huner û Wêjeya Jinê (KASED) wê di vê mîhrîcanê de bi jinan re bên cem hev û bi çalakiyên çand û hunerê yên bi zimanê dayikê panel, konser û çalakiyên zarokan li dar bixin.

 

Seroka KASED'ê Salîha Ayata hemû welatî vexwend mîhrîcana Surfestê ya ku wê sibê dest pê bike.

 

'Jin bi KASED'ê xwe didin xuyakirin'

 

Salîha ji bo ku jin bên dîtin ew çalakiyên wiha li dar dixin û wiha got, "KASED komek hunermendên jin ên Kurd ên Amedê yên sala 2019'an e. Di van 30 salên derbasbûyî de xebatên çand û hunerî yên jinan hê jî tên plankirin, lê di asta ku 5 sal berê tê xwestin de nehatine naskirin. Li cem me kursên mûzîk, goven, ziman û wêjeya kurdî û hunerê hene. Jin bi KASED'ê xwe didin xuyakirin."

 

Surfest dê di 29'ê Cotmehê de dest pê bike û di 5'ê cotmehê de bi dawî bibe

 

Salîha diyar kir ku li Surfestê ku piştî xebateke 6 mehan di 29'ê cotmehê de wê dest pê bike dê çalakiyên curbecur û rengîn bên lidarxistin û wiha got, "Xebatên me yên ji bo Surfesta ku me plan kiribûn 6 meh in dewam dikin. Ji bo vê me ji Londonê piştgirî girt. Armanca me ya herî mezin li vir xebateke hevpar a çandî ye. Ya herî girîng ev e: Wê bîr û mîrateya çandî çawa bê parastin? Dîsa jin wê çawa xwe bigihînin xebatên çandî? Di 29'ê îlonê de û di 5'ê cotmehê de dê jin bi stranên ermenî û kurdî bistirên. Bi taybetî jî em ê panelekê li ser muzîk û hunera kurdî li dar bixin. Em ê lîstikên kevneşopî yên kolanan bilîzin û em ê li ser çîrokbêjiyê bisekinin. Em dizanin ku mîrateya çandî herî zêde bi rêya jinan tê ragihandin. Jinên Kurd di sedsala dawî de ziman, çand û hunera xwe parastiye. Ji niha û pê ve em ê di 5’ê Cotmehê de li Qesra Cemîl Paşa konser, danasîna cil û bergên kurdî û performansa erbanê li dar bixin. Wek hûn jî dizanin KASED bi taybetî di sala dawî de li ser cil û bergên netewî yên kurdî dixebite. Ji ber ku li ser cil û bergên kurdî destwerdan û êrîşeke mezin tê kirin. Li hemberî vê yekê em cil û bergên kurdî derdixin pêş, lê ne bi nêzîkatiya modernîst a kapîtalîst a weke modayê. Bi vî awayî em zêdetir balê dikişînin ser cilûbergên kurdî."

 

KASED dê 6'emîn salvegera xwe pîroz bike

 

Salîha diyar kir ku ew ê di vê festîvalê de salvegera damezrandina KASED'ê pîroz bikin û wiha got: "Ji niha û pê ve ev proje bi dawî dibe. Lê belê em her meha Îlonê salvegera damezrandina xwe pîroz dikin. Îsal jî me pîrozbahiya damezrandina xwe tevlî vê festîvalê kir. Em ê bi hev re, bi gelê xwe re, damezrandina KASED'ê pîroz bikin. Em hêvîdar in ku gelê Amedê, jinên Amedî, jinên ciwan ên Amedê me bi tenê nehêlin. Em di şeva 29'ê Îlonê û şeva 5'ê Cotmehê de li benda we ne."