STENBOL - TJA'yê di çalakiya xwe ya roja xwendinê de ku bi dirûşma "Îsrara di sosyalîzmê de israra ji bo mirovbûnê ye" de bal kişand ser paradîgmaya azadiya jinê ya Rêberê Gelê Kurd Abdullah Ocalan û peyama "Em ê bi parastin û îdeolojiya Rêbertî xwe perwerde bikin û rola xwe bilîzin" da.

 

Tevgera Jinên Azad (TJA) bi dirûşma “Îsrara di sosyalîzmê de israra ji bo mirovbûnê ye” di çalakiya xwe ya roja xwendinê de bi jinan re hat cem hev. Çalakiya ku li avahiya Navenda Çanda Mezopotamyayê (NÇM) ya Beyoglûyê pêk hat, endamên Înîsiyatîfa Dayikên Aştiyê ya Stenbolê û siyasetmedar Sebahat Tuncel jî di nav de gelek jin amade bûn. Di çalakiya ku tevlîbûneke xurt hate lidarxistin de, sînevîzyona ku nêzîkatiya jinê ya di paradîgmaya Abdullah Ocalan de nîşan dide hat nîşandan û her wiha parçeyên pirtûkê hatin xwendin.

 

Bername bi rêzgirtinê dest pê kir û dû re jî aktîvista TJA'yê Mîzgîn Duruk axaftina vekirinê kir. 

 

Mizgîn Duruk bi bîr xist ku di çarçoveya kampanyaya “Ji Abdullah Ocalan re Azadî” 3’yê Gulanê weke “Roja Xwendina Azadiyê” ya cîhanê hat îlankirin û diyar kir ku kampanyayê li tevahiya cîhanê bandorek mezin kiriye. Mizgîn Duruk wiha axivî: "Roja xwendinê ji aliyê her kesî ve bi coş hat qebûlkirin û qebûlkirin. Ev pêngav di 3'yê Cotmehê de li Ewropayê hat destpêkirin. Ji bo azadiya fîzîkî ya Rêbertî çalakî û daxuyanî hatin dayîn û analîzên Rêbertî hatin xwendin. Dema ku krîza modernîteya kapîtalîst tunekirina civak, xweza û çareseriyên nû yên jinan kûrtir kir. Paradîgmaya demokratîk a birêz Ocalan a li ser jinê û paradîgmaya azadiyê ya ku ji bo civakê pêşkêş kir, ne tenê ji bo jinên Kurd û Gelê Kurd, ji bo hemû gelên cîhanê bûye alternatîfeke mezin."

 

Çalakî bi nîqaşan dewam kir.